വീടിനടുത്തെ പെരിയാര്‍ വാലി കനാലിന്റെ ഇരുവസങ്ങളിലും ഇക്കുറിയും നിറയെ തുമ്പ പൂത്തിട്ടുണ്ടാവണം. ചുറ്റുവട്ടതെല്ലാം നിറഞ്ഞുനിന്നിരുന്ന മഞ്ഞ കോളാമ്പിയും മത്തപ്പൂവും ചെത്തിയും തുളസിയുമെല്ലാം കാണാനേയില്ല. സൈകിളിലും നടന്നുമായി കിലോമീറ്ററുകള്‍ താണ്ടിയാണ് പൂപരിക്കുക. അതോരോന്നോന്നര ആഘോഷം തന്നെ ആയിരുന്നു. ഉത്രാടത്തിന്റെ അന്ന് കോടി. തിരുവോണ ദിവസം രാവിലെ മാവേലി, വാമനന്‍ വേഷങ്ങള്‍ കെട്ടി കൊട്ടും പാട്ടുമായി പുലര്‍ച്ചെ എല്ലാ സകല വീടുകളുടെയും പരിസരത്ത് കറങ്ങും. വീട്ടുകാര്‍ പുലര്‍ചെ തൃക്കാക്കരയപ്പന് പൂവട വച്ച് തിരിയേണ്ട താമസം അട, ഒപ്പമുള്ള അവില്‍, തേങ്ങ, പഴം, ശര്‍ക്കര സകലതും പൊക്കും.. പത്തു പെരോക്കെയുള്ള സംഗം ആറര വരെ കരങ്ങുംപോഴേക്കും വയര്‍ ഫുള്‍..പിന്നെ ചെറിയൊരു അമ്പലപ്പരംബിലോ ഒക്കെ വട്ടം കൂടും.......കളി മേളം തന്നെ. ഉച്ച ആകുമ്പോഴേക്കും സദ്യ..ബന്ധുവീടുകളിലെല്ലാം പോകും. നാടുനീളെ ഓണാഘോഷം കാണും. നാടന്‍ കളികളും കുട്ടികളുടെ കലാപരിപാടികളും ഒക്കെയായിട്ട്‌. പത്തുദിവസത്തെ ഓണാവധി പോകുന്നത് തന്നെ അറിയില്ല. കുട്ടികള്‍ക്കൊക്കെ മുഴുവന്‍ സ്വാതന്ത്ര്യമാണ്.
ഇന്നതൊന്നും നാട്ടില്‍ കാണാനില്ല... എന്റെ പ്രായക്കാരും തൊട്ടു മുതിര്‍ന്നവരും പുറത്തിറങ്ങുന്നത് പത്തുമണിയോടെ. ആദ്യം വരുന്നവര്‍ മൊബൈലില്‍ ബാക്കി ഉള്ളവരെ വിളിക്കും.. പിന്നെ ഷെയര്‍ ഇടുന്ന തിരക്ക്......പതിനൊന്നു മണിയോടെ '' സാധനം'' വരും.പിന്നെ അത് തീര്‍ക്കാനുള്ള വെപ്രാളം. വീട്ടില്‍നിന്നു വിളിവരുന്നതോടെ എല്ലാരും പിരിയും. സദ്യ ഉണ്ണാന്‍. ഉച്ച കഴിഞ്ഞും '' സാധനം'' വരും. ഇതൊകെ തന്നെ..പിന്നെ പങ്കാളിത്തം കുറഞ്ഞെങ്കിലും ചിലയിടങ്ങളിലെങ്കിലും സംഘടിപ്പിക്കുന്ന ഓണഘോഷമാണ് ഓണക്കാലമെന്ന തോന്നലെങ്കിലും ഉണ്ടാക്കുന്നത്..അവിടെയും നാടന്‍ പാട്ടുകളോ കളികാലോ വേണമെങ്കില്‍ പതിനയിരമോക്കെ കൊടുത്തു പുറത്തുനിന്നു ആലെയിരക്കണം. അല്ലെങ്കില്‍ megashow എന്നൊക്കെ പേരിട്ടു എന്തെലും പരിപാടി. നമുക്കിങ്ങനെ വിഷമമുണ്ടെങ്കില്‍ കുറച്ചു മുതിര്‍ന്നവരുടെ വിഷമം എന്താരിക്കും.
വിഷമിക്കുന്നവര്‍ക്കും ആഘോഷിക്കുന്നവര്‍ക്കും ഹൃദയം നിറഞ്ഞ ഓണാശംസകള്‍.
ആനന്ദ്
No comments:
Post a Comment